[日劇]《うぬぼれ刑事》花癡事件簿

誠如某博友所講，因為看完太耐所以recall唔番劇/激情了，自某朴友提起追吐會播後…小的又心思思去重溫吓(又因為「追吐」？)…。但這不是重點，重點是播了一萬年的日劇版《原來是美男》終於播完了﹗撒花﹗慶祝﹗(但…我又無喺「追吐」度追…慶乜鬼祝呢？)

um，咁係難得《虎與龍》之後長瀨叔再跟宮藤官九郎合作嘛，咁就要睇﹗要睇﹗要睇啦﹗

^看到呢一幕時我就笑了﹗原來小呆三秒愛上允熙是墜入愛河的最佳時間喎﹗

跟其他宮藤劇一樣，都是一條formula玩足全程，這回是：

花癡(長瀨)每次都會愛上女兇手+中間穿插佢同花癡5人組在酒吧嬉笑+運命君(生田斗真)拍《花癡刑警》劇集+ 冴木 & 里惠的美滿婚姻生活+花癡求婚+捉人…收工。

橋係唔怕穿的，因為睇了幾集之後以為都係咁架啦，就會有啲新野加入去，加埋啲親切的人腳…睇得好開心的說﹗

呀，每集犯人都搵唔同女藝人來，好多都有出現在宮藤啲劇度，好似加藤愛(《池袋西口公園》﹗好懷念﹗)、小泉今日子(《曼克頓愛的故事》耶﹗)、蒼井優(《虎與龍》﹗)、光蒲靖子(其實是之後睇《還有第11人》才知既…)…石田光和戶田惠梨香好似沒啥關連？另外有啲唔識的嬸嬸級人馬，雖然案情…有啲都唔記得了…呃…不過…(<好明顯我又誤焦點了…)

花癡5人組好笑呀嘛﹗


 うぬぼれ/花癡(長瀬智也)

自戀嗎？花癡比較啱吧，因為超戀愛體質佢係好易鐘意身邊的女人，偏偏佢最鐘意的里惠(中島美嘉)就離佢而去…但又咁啱幫佢查案兼破到案喎﹗恆常動作是著一身白西裝拎孖葉和婚書俾個女犯(佢鐘意親的…都咁啱係個犯喎﹗橋係唔怕穿的﹗話時話)，次次個犯都選孖葉…好慘…﹗

想話呢長瀨前一套《華麗的間諜》我有點看不下去…怎麼佢都好似走占基利路線呀？唔面容扭曲佢都唔鐘意既…呢套自戀狂是正常了…佢通常係擺個呆樣(因為佢成日要回憶被甩嘛﹗)…同埋每集我最期待佢一身白色老西出嚟跳舞then同女犯人講佢地既罪名，之後就拎婚書和孖葉出嚟要佢揀…

本城サダメ/運命(生田斗真)

唔得，真係要有相先有真相…斗真同學每集都會拍《花癡刑警》(宮藤好鐘意的劇中劇，爆笑度高過《流星之絆》的有明小劇場耶﹗)…then每次拍斗真同學唔係成身血就係死死吓…然而佢仲可以成身血地去會合花癡5人組其他人去飲酒談歡喎﹗

我想話斗真同學爆笑度可比《花樣》的中津同學啊﹗

呀，講時講，不得不提呢個劇中劇的導演…佢係花癡個同事冴木刑警之外另一個爆點，我記得有一集佢著住透點魚裝衫拍戲，跟住不停cut就因為不停有消防車經過…then斗真同學躲在箱裡面就快窒息要死了…笑到我斷氣呀…

死啦…我係咪誤焦點了？我覺得呢part好似仲好笑過自戀狂去查案喎﹗

松岡征士郎/ 要潤 (蛋糕師傅)
穴井貴一/矢作兼 (攝影師)
栗橋誠/ 坂東三津五郎 (教授)

花癡5人組另外3人…我記得有個case個女角係衝住粟橋教授而來的…另外的…唔記得囉﹗佢地咪成日喺酒吧度唏唏唏囉~~~~(又說，要潤個角色就好似《流星》那個咁…行出行入…有點可惜呢…)

好了…之後講吓劇入面恆常出現而又熟口熟面的朋友：

玲子ママ(森下愛子)

我想話我到而家都未接受到《池袋》入面佢做長瀨阿媽囉﹗(又說愛子姨姨樣子都係咁上吓，長瀨就大叔化了﹗)…玲子媽媽的看點…佢唔講野淨係寫野﹗有集佢唔寫喺紙上寫在衫上…我笑爆咀了…呀…玲子媽媽係酒吧的老闆…在花癡5人組吹水時成日出現攪gag的…

月影葉造(西田敏行)

嘩﹗《虎與龍》師傅跟虎兒重逢了﹗很爆的是…佢係退休刑警，退休後跟兒子(即係自戀狂)同住，就寫小說…而本小說…就係《花癡刑警》(仲不時睇運命君套劇添﹗)哈哈哈哈…後來佢仲加入花癡5人組不時去飲酒追女仔咁…

而最爆既係…佢唔記得自己個仔叫咩名…淨係叫佢自戀狂喎﹗另…本書賣到拎獎架(劇中)…

冴木優(荒川良々)

看點：佢那手睇唔明的字﹗笑爆咀…佢係自戀狂的…上司？(好似)…交代案件細節時有人問佢野…佢就會好嬲咁話咪寫咗…但你睇得出佢寫乜嗎？我睇唔出囉﹗

唯一一次佢啲字靚咗…係因為里惠要離開佢…佢大受剌激之下手字竟然靚咗…囧

哈哈哈﹗《虎與龍》的jump亭jump呀﹗(其實睇過其他宮藤劇的人會唔會唔知我成篇文喺度講乜？)…呃…即係呢，佢喺《虎與龍》度係一個騎騎呢呢的落語家(會無啦啦著和服但heavy metal地rap囉﹗)…好唔慣佢著晒老西地做刑警兼同中島美嘉大玩恩愛小夫妻囉﹗

日暮里恵 (中島美嘉)

一路以為佢係自戀狂的前度，而佢係一路都以良家婦女(？)look出現的…跟住回憶入面先見到佢同自戀狂一齊時個紅頭郁…呀…這都不是重點…重點是…看最後一集啦…好爆…呀，美嘉個角色比《流星之絆》是實在啲和有存在感一點，那套…佢係負責神出鬼沒的嘛﹗

又說其實上年年尾睇完，曾經想出個後記，但又無咗件事…而家邊寫邊recall，不如順便重溫一次？﹗哈哈哈哈…又話說，呢部和《還有第11人》風格無舊作咁攪怪強烈(或日癲﹗)，不過兩部的gag都係真心笑得出(或日：不爛)，一部刑警一部家庭，各有優異啦…雖然我覺得《11人》是比較好少笑笑既…但呢套有長瀨和斗真同學啊﹗真係好難分勝負…噢耶﹗~

劇集官網/另一版
今期熱煲：長瀨智也~